الغربة |🌍.

جو الحفر☀️؟ الاحتياجات 🧳؟ نصايح🕯؟ رفقاء الغربة والسكن👭؟ الباصات والطيران🛩؟ احتياجات الباص🎒؟

لمن تعزمي للغربة! اعرفي انش بتكوني كل شيء لش وبتكوني مسؤولة كُليًا عن نفسش..
كوني سفيرة لأهلش ومنطقتش 👌🏻❤️.
بتتعرفوا على اشخاص من مناطق مختلفة وثقافات مختلفة 😻.

ميزة الغربة في الحفر انش كل ويكند تقدري ترجعي بيتكم بس إذا تبغي الصراحة نوعًا ما يكون الخميس (بتكوني تبغي ترتاحي من المشوار) والسبت (بتكوني قاعده تستعدي لرجعتش الحفر) ضايع والجمعة تعيشيه كله في بيتكم 🧘🏼‍♂️..

لكن ممكن مع الأيام تستثقلوا النزله الى القطيف اسبوعيًا او ممكن يصادف اختبارات الاحد.. مع الأيام بتتفقوا مع بعضكم تقعدوا سوا او تقعدي مع بنات السكن وچدي يعني 😬.

✨الباصات والطيران🛩؟

المسافة من القطيف الى الحفر 5 ساعات تقريبًا، ممكن تزيد وممكن تقل على حسب ظروف الطريق والسواق وممكن لا سمح الله تصير اعطال بالباصات 🚌.
بالنسبه للباصات🚌؟ مجربين اكيد، عارفين انكم من الأشياء المهمه تحملوا لكم بطانية تعرفوا الباصات غالبًا باردة لكن صراحه احيانًا المكيف يخترب وحملوا لكم مخدة عشان رقبتكم ويبغالكم شاحن متنقل واكل
الباص ويا صاحباتكم وسواليفهم ممتع جدًا 😂😭❤️.

⚠️ عادي مرات تصير مواقف زي مثلًا بنات يطولوا بالمحطة وتتأخروا 😂 خلوكم دائمًا رايقين 🧘🏼‍♂️..
الشنط يصادف احيانًا توصل قبلكم واحيانًا بعدكم

ممكن يحافظ على ان الماء يبقى بارد لأطول مدة ممكنه لكن مادري.. وبعض الاسكان توقف محطات.

الطيران 🛩؟ فيه مطار بالقيصومة تبعد عن الحفر 27 دقيقة تقريبًا 🤷🏽‍♂️، لكن اعتقد انه مو متوفر لكل يوم لمطار الدمام "تأكدوا اكثر 🤷🏽‍♂️".

✨جو الحفر☀️؟

شتاهم بارد، شمسهم قويه وهواهم جاف مو زي القطيف رطب يعني اذا كويتي شعرش مايكش😛😂💔..
الشتاء يوصل لتحت الصفر وبتحتاجي بلوڤرات واجد لأنه صراحه الجو صدق بارد ما امزح حتى كنا نشغل دفاية لنا😂😂😂 (لكن اكيد مدى تحمل كل شخص مختلف عن الثاني).
نصيحة لا تحملوا كل اغراض بيتكم وياكم من اول الايام، اول سبوع حملوا ليكم الأساسيات والاكل الا تحتاجوه لو تعذر عليكم الروحه للبقالة 🥫
كنت احمل لي تقريبًا 6 تيشرتات الجامعة وارجعهم واجيب لي غيرهم.. بعض البنات يغسلوا ثيابهم في الشقة ويجيبوا بس احتياجاتهم بعد سبوعين بتكتشفوا وش الآلية الا تعجبكم والاريح لكم

💡🦇 بسبب تقلب الجو بين القطيف والحفر ممكن يسبب جفاف في البشرة فَ خذوا لكم كريمات ترطيب وعناية ومن هالسوالف يعني 🚶🏻‍♂️. 

✨الاحتياجات 🧳؟

كتبتهم قبل لا اروح الحفر ممكن يكونوا ناقصين وممكن في أشياء مو ضرورية، ومن شخص لأخر الألويات تتغير 🚶🏻‍♂️.

🦇 من الأشخاص الا ما افضل البلاستيك، عشان چدي ما احمل الا كاسات ورق 🚶🏻‍♂️..

💡🦇 اول روحه ليكم حملوا لكم تنوره وتيشيرت في شنطتكم اليدوية المحموله وياكم داخل الباص وماي كافي.

🦇 المقلاة الهوائية اللي بدون زيت تفك أزمات 👌🏻.

هذه احتياجات بنت ثانية 🙇🏻‍♀️؛ أنقر هُنا📎..

💡🦇 نصيحة إذا خلاص قرب ينتهي الترم! بدوا تشيلوا اغراضكم ويا كل نزله عشان اخر نزله تكون اغراضكم اقل وما تثقلوا على نفسكم وتقللوا كركبه وحوسه وتقللوا احتمالية نسيان الأشياء.
💡🦇 ودي أقول لكم احملوا لكم جوال ابو لمبة احتياط، لأته صراحه اكثر من مره تتعطل جوالات البنات هناك فجأة بس نسوي انقاد  😂😂😭💔.. واحمل لي وايرين احتياط للجوال عشان لو اخترب واحد عندي او عند البنات 🚶🏻‍♂️..

المفرزنات؟ حطوهم بذا البراد وفيه فلينات همن اكيد انتون تعرفوهم، لكن نصيحه لا تحملوهم من اول سبوع

ولاحتياجات الشقة؟ (مثلًا ماء، مناديل وهكذا..) كنا نسوي قطيه حق كل أسبوع للأشياء المشتركة وفيه بنات كل وحده اغراضها بروحها يعني كل شقة والانسب والاريح لهم

- مثال لطريقتنا انا وبنات الشقة 🧘🏼‍♂️؛

✨رفقاء الغربة والسكن👭؟

السكن🏢؟ مو دائمًا بكون بيرڤكت، اذا طلع سيء! حاولي تتقبليه ترى بتقعدي فيه كم شهر😂..
رفقاء السكن👭؟ صيري اجتماعيه وكوني حليوه مع الكل لكن مو صديقة الكل يعني😂😂 بالغربة بتحتاجي البنات، وممكن تطلعي بعائلة غربة جميلة جدًا كوني متعاونة
والشخصيات مختلفه طبيعي ومن بيئات مختلفة حاولوا تقدموا تنازلات بين بعضكم
في اشخاص واجد يسكنوا مع صديقاتهم ولكن عشان اختلاف الشخصيات مايقدروا يكملوا جميع وهمن العكس صحيح..
ادعي الله يرزقش الاشخاص الصالحين مهونين الغربة❤️.


🦇 إذا رفقاء غربتي شافوا هالمدونة؟ احب اقول لكم انكم احلى شيء صار لي في الغربة وانكم الأشخاص الا هونتوا علي الغربة وصنعتوا لي ذكريات جدًا جميلة فيها.. احبكم جدًا 👭❤️❤️❤️.

💡🦇 عيشوا الغربة بكل تفاصيلها الحلوه والمُره سجلوا ايامكم الحلوه وكيف تغلبتوا على الايام الصعبة وسجلوا مخاوفكم وكيف تجاوزتوها، شوفوا التغيرات الحلوه بشخصيتكم 🧘🏼‍♂️.
الغربة حلوه وزي مالها سلبيات لها ايجابيات واجد 😻❤️.
ولا تنجرفي كُليًا مع الوناسة والفله