‏تجربة الغربة ‏أقل مايقال عنها إعتماد كلي على الذات ومساحة كبيرة خاصة لك تتصرفي بالشكل اللي تبغينه وحريتك تكون اوسع . ‏تجربتي ماتعني ان الكل كذا بس بذكر كذا شغلة ممكن لها اثر كبير اول شي رحت الحفر بدون أي صديقة وبدون أي شخص أعرفه فكل شي كان جديد كليًا علّي. ‏بتتعلموا تعتمدوا على ذواتكم،في البداية واول مارحنا اغلبنا حس بوحشة وبوحدة بس كونوا صداقات قد ماتقدروا عشان تتأقلموا بأسرع وقت ‏التجربة كانت ممتعة وطورت من شخصيتي ووسعت من افقي أكثر. ‏كشخصية راحت الحفر اول مارحت كان الوضع فوضى واخذت اغلب الاغراض لكن مع الوقت لاحظت الأشياء اللي احتاجها واستخدامي مستمر لها. ‏تحتاجوا مرطبات وأدوات اسعافات اولية إحتياطًا ؛ ماحد يعرف وش ممكن يصير . ‏الاكل والمطاعم بصراحة ماكنت اطلب من مطاعم واجد وإذا طلبت أطلب غالبًا معجنات ومن مطعم إبن الوزير وحاولوا ان اكلكم يكون اغلبه من البيت؛ لأن المطاعم بتتعبوا منها بعدين ، باقي الاشياء من الاكل كنت اشتريهم او اخذهم اذا رحت البيت. ‏بخصوص الناس والمعارف الجديدة بالجامعة لاحظت الأغلب يصير في صداقات وبسرعة وحبوبين يعني لاتقلقوا من ذا الشي نصيحة عاملوا الناس نفس ماتحب...

اول ما قررت اروح الحفر ماكنت اعرف احد هناك وكل شيء سويته على البركة في كل شيء تقريبًا، ما حسيت بخوف ولا شيء من ذا القبيل لأني كنت اعرف ان رب العباد وياي بكل خطوة.. كنت شخصية اتكالية جدًا وغير مسؤولة، تعلمت كيف أكون كل شيء لنفسي وكيف أكون مسؤولة وكيف احافظ على فلوسي واعرف وين اصرفهم وصرت أكثر صبرًا وتعلمت أخذ كل الأمور ببساطة اول ما طلعت من منطقتي واجهتني مفاجأت واجد، الحمدلله تغلبت على كل هذه المفاجأت بدون لا اتعب نفسيًا او حتى اقرر انّي ارجع. عشان أكون صريحة همن ساعدوني اتغلب على كل هذا صديقاتي واهلي ورفقاء الغربة الا عرفتهم بعد الله ❤️. إذا عندكم أي سؤال استقبلكم على تويتر.. Bati_zaki

‏السلام عليكم ‏حبيت اقول تجربتي بخصوص الغربه ‏لكل وحده يوصلها خبر القبول وتنبسط فيه ولكن تخاف انها تتغرب او حتى خايفه تسجل بسبب خوفها من الغربه صدقيني راح تفوتي متعة التجربه، صح الغربه متعبه على الاغلب وصح ماتشوفي اهلش الا كل نهاية اسبوع لكن هالتجربه راح تغير فيش وايد اشياء بتغير شخصيتش للاحسن في كل الاحوال وهي سنوات وراح تعدي والغربه ابداً مو شي سيء مثل ما بعض البنات يقولو لان الغربه راح تعلمش وايد واول شي تتعلميه تعتمدي على نفسش وطبعاً يعتمد على البنات اللي معاش في السكن وصاحبات الجامعه لكن لا تخلي مسمى الغربه يكون كابوس ورعب عندش خليها تجربه في حياتش تتعلمي منها وتستمتعي في ابسط تفاصيلها ومستقبلش وطموحش يستحق انش تتغربي كم سنه وترجعي رافعه راسش وراس اهلش 💗 ‏اني في البدايه كنت متخوفه وكنت اسأل وايد عن كل شي ومتردده وماكنت متحمسه للتجربه لكن بعد تقريباً اسبوع او اسبوعين بديت اتعود واحب الوضع وعشت التجربه بكل تفاصيلها ومستعده اكمل باقي سنوات الدراسه في الغربه لان التجربه جميله والشعور اللي بيكون بعد ما اخلص دراسه وغربه وكل شي يستحق اني اتحمل عشانه 🤭 ‏ما حبيت اطول في الكلام ويمكن يك...

الغربه والحياه الدراسية🏠🕊 أولا اني الطالبة فضيله آل زواد،مسار هندسي بجامعه حفر الباطن الغربه لها عده معاني أولا الصبر، التفاؤل، الامل العطاء، التحمل الشده، الوناسه، ذكريات قبل لا تفكري  في الغربه اكتشفي مخاوفك حتى لا تسيطر عليك في الغربه، بدايه الغربه لابد منها تحمل وصبر لا تجعلي خوفك يهدد مستقبلك اجعلي من مخاوفك تحدي في الغربه ستكتشفي مواهبك الساحره صبرك الطويل تحملك للمشوار المتعب، تحمل عناء الدراسه نصائح مغترب💫🕊 ١-الغربه حياه ثانيه حياه الشخص المستقل الشخص الذي سيرجع لاهل مفتخرين فيه لاتجعلي بنات السكن او بنات الجامعه يهدمون مستقبك اجعلي وقت للوناسه ووقت للجد👩🏻‍💻 ٢-لا تتخوفي من الدراسه والغربه💜 ٣-اختاري الشخص المناسب اللي بتسكني معاه والسكن المناسب🏠 ٤-لاتحاولي تكوني انطوائيه بالعكس تعرفي على البنات ولكن بحد معقول 👥 وفي النهايه تجربتي في الغربه تجربه جميله جدا صنعت مني شخص ثاني علمتني الصبر والتحمل وان مافي شيء في الدنيا صعب قد ماتعطي الدراسه والغربه من تحمل راح يرجع إلش بالأفضل اي سؤال موجودة بالخدمه دايركت تويتر (fadila_zawad)

"الغربة" من اسمها تخلي الواحد يحس انه مو بمكانه وكل شي حوله غريب بس الحلو في الموضوع ان بعد فترة اسبوع-اسبوعين يتعود على الوضع وكل شي يصير هناك مألوف حتى الجامعه -صارت عندي صديقات وصار روتين يومي . صح بداية الغربه يكون فيه حنين للاهل عشان البعد ولانها اول مره كانت بالنسبه لي ابتعد عن اهلي كذا بس بنفس الوقت تعلمت اكثر الاعتماد على النفس شخصيتي استقلالية من زمان وكنت ابغى اعرف الشعور لمن اكون لوحدي بدون اهلي كنت اتوقع انه سهل بس بالحقيقه لا بس شوي شوي تخف صعوبة البعد  تدريجياً. الغربة حُلوه وَ مُره.

تجربتي في الغربة تجربة جميلة الغربة... أضافت لي معنى الصبر وتحمل المسؤولية وصنعت في ذاتي الثقة بالنفس الغربة جميلة بحلوها اللي استمتعت فيه ومرها الذي تعلمت منه علمتني كيف أتكيف مع أجناس البشر والشيء الوحيد اللي ما قدرت أتعلمه و أتقبله في الويكند اجلس في الحفر 😂

"المستحيل مجرد كلمة لاوجود لها" اول ماجاني قبول في هالجامعه وكان تخصص ماابغاه كان كرغبه ثاني ليي وماكنت مقتنعه فيه كنت اقول كيف بدرس في غربه وتخصص مابغاه مستحيل! بس الغربه من احلى تجارب الحياه تجربة صعبه بس تأكدي انه (كل تجربه صعبه بتجعل منش انسانه عظيمه) كان اكثر شي متخوفه منه رفيق السكن واني انسانه ليي طبايع غريبه وماقدر اتعود على اي احد قلت ماحد بيستحملني ومابقدر اعيش ويا احد ماعرفه وكيف بتأقلم ووو.. بس البدايه تكون صعبه فقط، الغربة علمتني اشياء ماكنت متوقعه اني بتعلمها اول اسبوع وصلت كان السكن حقنا غير مهيئ بس خلاني اعتمد ع روحي ادبر روحي واطبخ وجباتي بشي بسيط لانه ماكان عندنا فرن ولا مايكرويف وحسيت بالمسؤليه لأني باجهز لروحي فطور غداء عشاء (طبعا اني اموت في الاكل 🤭) بس اكتشفت انه امر ممتع وخصوصا لما تطبخوا ولما تجربي تطبخي العيش(الرز) مره مرتين ومايزبط وفي المره الاخيره يضبط ولما تعفسوا على الطبخات في النهايه تطلع الطبخه عجيبه زي طباخ البيت بتحسوا بأنجاز وباتاكلوا وانتون سعيدين جدا كنت كل مره اطبخ وادخل المطبخ اذكر امي كيف كانت تستحمل كل هالشغل بيزداد تقديركم لأهلكم ل...